TIRANË — Akademia e Shkencave ka publikuar sot një studim që mund të revolucionarizojë marrëdhëniet në çift. Shkenca kishte vërtetuar prej kohësh se dy njerëz që dashurojnë apo qëndrojnë gjatë pranë njëri-tjetrit sinkronizojnë frymëmarrjen dhe rrahjet e zemrës.
Zbulimi i ri ka nxjerrë në dritë një anë shumë më kundërmuese të intimitetit njerëzor: sinkronizimin gastro-akustik.
Sipas studiuesve, kur dy persona të dashuruar jetojnë bashkë për më shumë se gjashtë muaj, sistemi i tyre intestinal futet në një gjendje “rezonance harmonike”.
“Në fillim të një marrëdhënieje, çiftet përjetojnë atë që poezia e ka quajtur ‘flutura në stomak’,” shpjegoi Prof. Dr. Pandeli Gazidede, kreu i grupit kërkimor. “Por me kalimin e kohës, fluturat ngordhin dhe kërmat e tyre prodhojnë flatulenca të përbindshme intimiteti. Matjet tona me sensorë me precizion milisekonde treguan se partnerët lirohen nga këto flatulenca në sinkron të plotë me njëri-tjetrin.”
Profesor Gazidede e cilëson këtë fenomen si Dashuria Supreme. Ai u bën thirrje të rinjve që të mos kërkojnë partnerë sipas standardeve estetike apo financiare, por të kërkojnë dikë me të cilin sistemi i tyre tretës arrin harmoninë e plotë akustike.
Mohim Përgjegjësie
Lemza News është një publikim satirik. Artikujt, historitë dhe përmbajtja e publikuar në këtë faqe janë pjellë e imagjinatës ose parodi të ngjarjeve reale. Emrat e përdorur, përveç atyre të figurave publike të cilët janë subjekt i satirës, janë fiktivë. Çdo ngjashmëri me persona realë, të gjallë apo të vdekur, është krejtësisht e rastësishme. Përmbajtja nuk duhet të merret si faktike apo serioze.
